博客動態

clients

體育界撐建體育園 先發製人抗拉布


作者:SELINA 發表時間:2017-06-15 12:00:09 標籤:分類:


涉款三百一十九億元嘅啟德體育園項目,因為招標、營運模式等問題而備受爭議,包括朱凱廸在內嘅民主派更加喺立法會財務委員會轄下嘅工務小組委員會審議體育園項目時已經開始拉布,經過成個月項目先獲得通過。為咗對抗立法會拉布,政府已經出招打尖,要求財委會盡快審議體育園撥款,而體育界尋日亦聯同立法會體育、演藝、文化及出版界議員馬逢國提早開拖,力撐政府體育園項目,又警告如果體育園項目再拖延,建造費就會飆升。唔知班民主派議員又會唔會聽體育界支笛呢?

民主派因為不滿體育園項目嘅招標模式,包括向入圍但最後落選嘅三間投標公司提供一億八千萬元提案誘因等,而喺工務小組拉布,拉咗幾次會,後知後覺嘅政府先瞓醒,搵體育界出嚟撐體育園,最終通過項目。經此一役,政府先讓步,改為四變三方案,將具爭議嘅提案津貼減至兩間落選公司合共一億二千萬元,並將落選而可獲津貼的嘅公司數目減少,前日更加要求財委會畀體育園撥款打尖,排喺沙中線鐵路工程追加撥款後審議。

出齊民意牌苦情牌

政府讓步令原本對體育園項目有質疑嘅建製派都轉軚,一班體育界人士就更加主動,繼上周七十八個體育總會聯署去信全體立法會議員後,尋日再打民意牌,同馬逢國一齊召開記者會公佈民調結果,出席嘅體育界代表包括港協暨奧委會義務秘書兼香港泳總會長王敏超、車路士足校營運總裁山度士同香港體操名將「吊環王子」吳翹充。 馬逢國話佢哋早前訪問咗約一千二百名市民,六成二人都支持立法會通過體育園撥款,又話有運動習慣嘅七百多名受訪者中,逾三成都覺得本港體育場地不足咁話。雖然反對派對政府招標提供巨額津貼不滿,不過,馬逢國就話想多啲機構投標就要有鼓勵,而體育園項目係政府對業界多年嚟嘅承諾,唔能夠無限期拖延咁話。而幾位體育界代表亦都打苦情牌,話香港就算係代表隊,練習時都冇穩定場地,要周圍練習,希望大家幫幫手通過撥款。 今次政府同體育界提早開拖,力抗民主派就體育園項目拉布,唔知財委會主席陳健波會唔會配合佢哋快速剪布呢?

原文地址:http://orientaldaily.on.cc/cnt/news/20170615/00176_122.html

 
  • 鏡文化- Home | Facebook

    鏡文化. 5951 likes · 603 talking about this · 1 was here. 鏡傳媒旗下的文化網站,集結網絡副刊、講堂沙龍、連載小說、影視劇本、影劇專欄、影音視頻等,歡迎投稿。


  • 周萬里山河處處青‏ @dVecyOXMQC7L39p

    1.辛老師光復民國後,將用中華文化改革這個世界!上帝選擇了古老中國,作為實現大同世界的載體! 2.辛老師2004年開始各處演講,傳播他的智慧!那時大陸和海外都湧現一股民國熱!開始偉大! 3.兩位高僧預言,台海戰爭發生!最終導致光復民國成為主流!從此,更加強大! pic.twitter.com/m9wNFSlCRX


  • 大家都知道摩爾摩文化中有許多獨特的迷思。從家庭大小到我們的用詞 ...

    大家都知道摩爾摩文化中有許多獨特的迷思。從家庭大小到我們的用詞,甚至我們食物。不是所有的摩爾門成員都以這種刻板印象生活。 但是某些摩爾門文化迷思可能 ...