常山趙子龍 英氣2.0

日期:2021-09-14 Gloria

常山趙子龍 英氣2.0 趙雲Figure出2.0,Why Not?H字頭嘅「鐵甲人」都可以Reboot,點解趙雲唔可以先?大約3年前,內地Figure品牌303 Toys推出過趙雲1/6 Action Figure,最近該廠發表咗2.0版本,與前作相比,盔甲嘅雕工細緻度,以及組件嘅層次度都有明顯改善,尤其是唔同位置嘅Parts,例如胸甲、肩甲與腰甲等嘅厚度都有所不同,唔似前者咁單一化而令像真度打折扣;頭雕方麵亦有顯著改善,唔隻五官有更深刻嘅雕琢,仲少咗粗糙嘅皮膚質感,凸顯武裝嘅粗獷形象,而且膚色塗裝亦多番血色,加埋炯炯有神嘅雙目,唔似前作嗰種蠟像Feel,有番多啲真人感覺。

除咗趙雲Figure本體,同步上架仲有「照衣玉獅子」戰馬,同屬1/6類別,雖然品牌冇講明係趙雲專屬,不過唔少人馬合一嘅官方圖片,都係用咗呢Pair組合,入得趙雲2.0嘅玩家,相信都唔會錯過呢隻「獅子」。同上一代嘅同廠戰馬相比,「照衣玉獅子」亦都變型咗,首先全身多咗細微嘅毛髮與筋脈雕工,唔似前作咁平滑,塗裝方麵亦多咗陰影位,最抵讚係前作表麵有明顯嘅分模線,新版已經唔多覺,成隻嘅像真度都有明顯提升,就連相應嘅馬鞍、馬具與韁繩都精細咗,如果實物Keep到官圖九成水準就真係抵讚了。

另一非主流Figure新品推介,就有One Toys嘅「Respectable Person」,雖然冇指名道姓,不過由頭到腳都咁「圓」嘅造型,自然令人聯想到東亞北嘅一位政治領袖。據知為求神似,唔牌專登開發咗一個胖子素體,腰圍與下圍特別發達,比起用普通Body再塞棉花扮肥佬嘅取巧方法,當然像真得多,擺甫士又唔驚走樣。據知呢款Figure已經喺香港開訂,預計今年第三季派貨,有興趣嘅朋友,不妨到旺角、灣仔多啲巡場了。

圖片來源︰303 Toys、互聯網

原文地址:http://hk.on.cc/hk/bkn/cnt/lifestyle/20170530/bkn-20170530140029646-0530_00982_001.html

 

Good724